طلاب مقاومة

بلدي طال الظلم فيكي
والعدل مالوش امام ى
والحق تاه في ارضك
ولصوصك صاروا حكام
تاجروا بأرزاقنا وأرواحنا
وحرموا علينا الكلام
خنقوا صوت الحق فيكي
وعملوا للفساد مقام
ياشعب ساكت ليه وراض
تعيش في ذل واستسلام
سرحان في همك
غرقان في دمك
كاتم في قلبك .. صرخة آلام
بلدي .. عهد مني ودين عليا
مش هارضي تاني اكون ضحية
لظلم او استبدادية
هاكسر الضعف اللي فيا
وامحي الخوف اللي في عنيا
وهاكون انسان جديد
انسان حر وعنيد
ومش هاقبل تاني يابلدي
اعيش مسجون في ارضي
او اعيش من غير كرامتي