طلبه حلوان تريد إقالة رئيس الجامعه ونوابه

اول سؤال بيتسأل لينا انتوا عايزين تشيلوا رئيس الجامعه ليه ا؟
حنا عايزين الحياه تمشي عايزين استقرار في الجامعه عايزين نخلص بقي بلااااااااااااااش فوضي

السؤال ده ديما بيتأل لاي حد فينا وانا ححاول اجاوب علي الاسئله دي ف نقص سريعه
الاول احنا عايزين نشيل رئيس الجامعه ليه
*في الاول كلنا عارفين ان الشباب اللي طلعوا ميدان التحرير وقالوا الشعب يريد اسقاط النظام كان قصدهم بالنظام هو كل افرادة وليس حسني مبارك فقط واننا عارفين ان رؤساء الجامعات دول اللي جايبهم النظام المصري عشان ينفذوا سيساته فمن باب اولي ان بعد نجاح الثوره المصريه واحتراما لدم زميلينا الشهداء (اللي فيهم طلبه كتير وكمان دكتور من الجامعه عندنا )ان اولحاجه تتعلم انهم يعزلوا ازناب النظام السابق ومنهم رؤساء الجامعات اللي افسدوا التعليم بسياستهم

*دا من حيث المبدأ ندخل بقي علي المفيد ماذا فعل محمود الطيب بجامعه حلوان

اول حاجه منع الطالات المنتقبات من دخول المدينه الجامعيه واحنا عملنا مظاهرة واعتصام لحد ما رجعوا وبرضوا ديق عليهم تاني داخل الجامعه عموما وفي المدينه خصوصا

*زور انتخابات اتحاد الطلاب رغم انه قال اننا في عهد جديد ومش حنزور اراده الطلاب

*استحدث قائمه جزائات ماليه لنظام المدينه الجامعيه (زي اللي حيستخدم الكهرباء غلط يدفع 15 جنيه يعني لو حد نام وفاتح الكهرباء يدفع 15 جنيه ......الخ

*جعل نظام التسكين في المدنيه الجامعيه حسب التقدير وزود مصروفاتها وحرم ناس كتير مغترين من التسكين فيها واخر التسكين حوالي شهر واجر الاوضه ب 10 جنيه في اليوم من عير أكل ولا شرب للطلبه المغتربين لمده شهر طي الفلوس دي راحت فين ؟؟؟

* كمان اخالي حوالي مبنين وعملهم فندق اليوم ب 20 جنيه

*كمان غالي المصاريف الدراسيه من 30 الي 70 جنيه إختلاف الكليات

*كمان في عهده شهد اعالي سعر للكتاب الجامعي حتي وصل الي 70 و80 جنيه في كليات صيدله وعلوم

* حول الكثير من الطلاب الي التحقيق بسبب رفضهم تزوير انتخابات اتحاد الطلاب وكمان مطالبتهم بمجانيه التعليم وتحسين ظروف التعليم

*محاوله حرمان ىالطلاب من الامتحانات بمساعده امن الدوله حيث ساعدهم في الاقاء القبض علي 10 طلاب واحتجزهم في استقبال طرة

*تفتكروا عد كل دة مش عايزينا نطال برحيله

في النهايه يدعوكم طلاب ثورة 25 يناير بجامعه حلوان الي الاعتصام بدايه من غدا الثلاثاء لامام مبني رئاسه الجامعه التجمع غدا الساعه 12.30
امام المطعم المركزي

Read more...

دى صورة الانذار اللى اتبعت لى رئيس جامعة حلوان و كان مرفق فى الانذار ال 10,75 قرش اللى هما المصاريف القانونية ......و الانذار دا اترفض و رئيس الجامعة مردااش يستلم الفلوس و على أساس كدة حطينا الفلوس فى المحكمة و الصورة التانية دى صورة ايصال الايداع ...و على اساس رفض رئيس الجامعة استلام المصاريف القانونية هتكون قضيتنا ضد ادارة الجامعة ان شاء الله .... فى حاجة تانية كنت عايز اقولها هو ان فى طلاب فى جامعة القاهرة رافعين قضية بردو " الطلاب الاشتراكيين و اعضاء فى حركة حقى " و القضية بتاعتهم اتحكم فيها من كام يوم و كسبوها فعلا و دا شىء مبشر و ايجابى بالنسبة لقضيتنا فى جامعة حلوان " نؤكد تماما ان القضية هى فقط اداة لنيل الحقوق و تبقى فقط مجرد قضية عادية اذا لم يكن هناك تحرك و ضغط جماهيرى من الطلبة و الاعلام ...و اللى اهم من القضية فعلا هو ان الطلبة تتحرك و تقول لا و و تروح المحكمة تدفع المصاريف القانونية "

Read more...

مع بداية العام الدراسى الجديد فوجىء طلبة و طالبات جامعة حلوان بقرار غريب شمل معظم الكليات و يظهر كدة ان رئيس الجامعة الجديد الدكتور عبدالله بركات كان عايز يكون اليوم الدراسى الأول يوم ما يتنسيش من ذاكرة الطلبة , فا غالبا يعنى فى أول يوم دراسى معظم الطلبة بتروح الإدارة عشان يسألوا عن مصاريف السنة الجديدة - مع إنها المفروض بتكون شبه السنة اللى قبليها بالظبط -المهم يعنى إنهم اتفاجئوا "من حيث مش عاملين حسابهم" بأن المصاريف زادت عن مصاريف السنة اللى فاتت حوالى 40% فى بعض الكليات و "الضعف" فى كليات تانية و إن ثمن مادة التخلفات زاد من 25 جنيه إلى 50 جنيه - دى تحديدا كارثة - و بالطريقة دى فعلا نجح الدكتور عبدالله بركات أنه يخلد اسمه فى زاكرة الطلبة " لأ نجم فعلا " , يعنى هو مش مكفيه العبء اللى على الأهالى نتيجة دخول الدراسة مع بداية شهر رمضان ولا مكفيه الأسعار المولعة نار برة الجامعة !!!

لــكــن" لكل فعل رد فعل " - دا قانون فى الطبيعة محدش يفتكروا مثّل - فا لما عرفنا إحنا كمان بموضوع زيادة المصاريف قررنا إننا مش هنسكت " اقصد إحنا حركة مقاومة : حركة طلابية فى جامعة حلوان " فا اتفقنا إننا قبل أى حاجة لازم نستطلع رأى الطلبة لأننا كلنا أصحاب المشكلة و فعلا عملنا استطلاع رأى سئلنا فيه الطلبة إذا كان ارتفاع المصاريف يتناسب مع دخل أسرهم أو لأ ...و كانت النتيجة أن 98% من الطلاب قالوا أن ارتفاع المصاريف لا يتناسب مع دخل أسرهم و دا شجعنا إننا نبدأ بسرعة حملتنا ضد المصاريف و فعلا بدأنا ننزل بيانات كتير بنقول فيها للطلبة إنهم يمتنعوا عن دفع المصاريف و إننا كلنا لازم نقف يد واحدة ضد الإدارة عشان نجبرها تتراجع عن قرارها دا جنب إننا كنا بندخل المدرجات و نتكلم مع الطلبة فى الموضوع و عملنا حملة توقيعات لرفض ارتفاع المصاريف و كنا بنلم التوقيعات فى المعارض اللى بنعملها " غالبا كنا بنعمل معرض كل يوم أربع قدام مدرج 10 " و كانت بجد الطلبة واقفة معانا و كنا اتفقنا معاهم إننا هنعمل وقفة احتجاجية فى وقت لاحق من الترم .....وسط كل الشغل دا جوة الجامعة عرفنا أن فى طالب فى جامعة أسيوط رفع قضية ضد إدارة الجامعة و كسبها و أخد حكم بأنه يدفع المصاريف القانونية فقط اللى هما "12 جنيه انتظام و 14 جنيه انتساب" فالمهم فى ناس مننا قابلت الطالب دا و اخدنا منه صورة الحكم و بقينا دايما بنزلها على البيانات و النشرات اللى بنعملها و بدأنا نتحرك فعليا على الجانب القانونى فا رفعنا قضية احنا كمان باسم واحد مننا و قلنا للطلبة و دعوناهم انهم يلتفوا حوالين القضية و بجد الطلبة كلها وقفت معانا و حسينا إننا خلقنا بجد حالة ماكانتش موجودة قبل كدة ...حالة ثورة !!

و الأيام عدت و إحنا بنحاول حشد أكبر عدد من الطلبة حوالين القضية " نؤكد تماما أن القضية مش هى الحل السحرى فا فى النهاية القوانين ممكن تتغير لكن اللى مش ممكن يتغير هو إرادة الناس إحنا على قد ما نقدر حاولنا نوصل لى الطلبة إن الجماهير أو الناس أيا كانت فئتهم : عمال , فلاحين , موظفين و بالتأكيد طلبة لما بيتحركوا بشكل جماعى و إرادة موحدة على مطلب معين بيقدروا يحصلوا على المطلب دا و عشان كدة دايما كنا بنضرب أمثلة ب إضراب عمال غزل المحلة و إضراب موظفين الضرائب العقارية " و تأكيدا لى مبدأ التحرك الجماعى الذى نعتبره الوسيلة الوحيدة لانتزاع الحقوق المسلوبة ....دعينا إلى المظاهرة اللى كننا دايما بنتكلم عنها " اصلا كل الرغى اللى فوق دا كان عشان ابدأ احكى عن المظاهرة بصراحة و اللى يظهر كدة إننى مش هارغى فيها أد ما الصور هى اللى هتقول " اتفقت إنى مش هارغى بس هقول شوية حاجات مهمة ...قبل المظاهرة ب يومين عملنا 3 معارض فى 3 أماكن مختلفة فى نفس الوقت و كانوا بجد من أنجح ما يمكن و كننا بندعوا فيهم الناس على المظاهرة و اليوم اللى قبل المظاهرة دخلنا ندوة كانت معمولة فى مدرج 3 بتاع علم نفس و دعونا كل الطلبة اللى حضروا الندوة انهم يشاركوا فى المظاهرة فى اليوم التالى ......نيجى بقى لى يوم المظاهرة , اتجمعنا عند مدرج 10 اللى هو المقر بتاعنا و قررنا ان المظاهرة تمشى من عندو لى حد باب الجامعة و بعد كدة نرجع تانى من قدام باب الجامعة لى حد مبنى الإدارة و بجد شارك فى المظاهرة ما لا يقل عن ثلاثة آلاف طالب و طالبة ..كلنا كنا بنطالب بحقنا , كلنا كنا بنرفض الظلم , كلنا كنا مش خايفين , كلنا فعلا كنا مــقـاومـــة.

Read more...