تعليق من احد الزوار" مكتبش اسمه"
بلغنى أيها الملك السعيد ذو الرأى الرشيد ان الملك السهتان حاكم خازوقستان كان يحكم البلاد بالعصا و البنان ويتلاعب فى الفعل و البيان و لما شاب و طال به الزمان اتى بابنه التلفان ووضعه على راس لجنة السخافات تمهيدا ليحكم خازوقستان رغم انف البشر فى كل مكان فزاد الهرج و المرج واندفع الناس كالطوفان تهتف بسقوط التلفان و ابيه الملك سهتان ولما كان الحكم بدون توريث وعن طريق اللجان ويؤخذ أصوات القاصى و الدان أحتار الملك السهتان وطلب المشورة من قاضى القضاة و الذى كان باللعب فى القوانين فنان.. فقال القاضى وهو فرحان سيدى قالوا فى الامثال من زمان جوع كلبك يتبعك وان شبع يأكلك والشعب كلب بس فى شكل انسان اطلق عليهم رئيس العسس اللى أسمه عادلان وهو اقرب من العدل للبهتان يرهب البشر و يكسر القلم ويقطع كل لسان.. فرح الملك السهتان و قال الله يفتح عليك وايه كمان.. تطرد اهل العلم و العلماء وتبعد الحكماء و يخطط الجهلة و الطرش و العميان تصبح بلدنا فشر اجدعها مورستان ..وايه كمان و ايه كمان.. تعمل لجنة للسخافات يكون على راسها الامير فلتان وكام بلطجى من الاعيان بس اصله لازم يكون كحيان يحكم ويامر فى العباد فاكر نفسه الواحد المنان وتلم انت وهما من الفلوس أطنان وتجوع ابن الاية و تجعله عدمان وبدل ما يقول سياسة وحقى فى التصويت يقول لقمة يا باشا تسد جوع جوعان ويموت ياما من جوعه ليموت من السرطان او يندفن تحت جبل من الصوان او قبره فى المية اصل البعيد غرقان.. عفارم عفارم دى فكرة جنان بس مش ممكن يثور الناس ويهدر البشر بركان.. البركه فى رئيس العسس يربط السايب و يلجم الفلتان وان زاد عليه البشر من يائس ولا جعان سعتها عليك بملك الجان اللى اسمه امريكان مدام فى صفك وحاطط بركته عليك هتفضل طول الزمان انت و ابن ابنك الامير فلتان وكفاية كده لنروح فى خبر كان
لن يحكمنا
الجمعة، 30 أكتوبر 2009
تعيش مصر حاليا حالة مخاض، ربما تؤدي نتائجها الى عملية تغيير شاملة لن تتوقف عند الحدود المصرية، بل ربما تشمل المنطقة العربية باسرها. المقال : نقلا عن جريدة القدس العربى ..الصورة مش نقلا عن جريدة القدس العربى لكن نقدر نقول نقلا عن ضمير كل مواطن فقير جرب حكومة رجال الاعمال اصدقاء جمال مبارك ..نقلا عن اللى غرقوا فى عبارة السلام و اللى اتحرقوا فى قطر الصعيد ..نقلا عن كل حد حر و شريف فى مصر يرفض التوريث |
مظاهرة مشتركة بين حركة مقاومة و طلاب الاخوان رفضا لتزوير انتخابات اتحاد الطلبة
الخميس، 22 أكتوبر 2009
صور معرض حركة مقاومة
الثلاثاء، 13 أكتوبر 2009
الطلبة يتوافدون على المعرض
طلاب مقاومة يتحدثون مع زملائهم عن احقية كل الطلاب فى حضور المحاضرات بمن فيهم طلاب انتساب
طالب من حركة مقاومة يلقى شعرا
طالب من حركة مقاومة يتحدث عن حق الطلبة فى رعاية صحية مناسبة و كتاب جامعى مدعم
ضيوف غير مرغوب فيهم
بلطجة اتحاد الطلبة عام 2007 لن ننسى
الخميس، 8 أكتوبر 2009
اعتداء مجموعة من بلطجية اتحاد الطلبة المعين عام 2007 على طلاب مقاومة بجوار مدرج 3 بحضور رئيس الجامعة السابق عبد الله بركات
و ظباط الداخلية في الجامعة الذين وقفوا موقف المتفرج