طلبه حلوان تريد إقالة رئيس الجامعه ونوابه

اول سؤال بيتسأل لينا انتوا عايزين تشيلوا رئيس الجامعه ليه ا؟
حنا عايزين الحياه تمشي عايزين استقرار في الجامعه عايزين نخلص بقي بلااااااااااااااش فوضي

السؤال ده ديما بيتأل لاي حد فينا وانا ححاول اجاوب علي الاسئله دي ف نقص سريعه
الاول احنا عايزين نشيل رئيس الجامعه ليه
*في الاول كلنا عارفين ان الشباب اللي طلعوا ميدان التحرير وقالوا الشعب يريد اسقاط النظام كان قصدهم بالنظام هو كل افرادة وليس حسني مبارك فقط واننا عارفين ان رؤساء الجامعات دول اللي جايبهم النظام المصري عشان ينفذوا سيساته فمن باب اولي ان بعد نجاح الثوره المصريه واحتراما لدم زميلينا الشهداء (اللي فيهم طلبه كتير وكمان دكتور من الجامعه عندنا )ان اولحاجه تتعلم انهم يعزلوا ازناب النظام السابق ومنهم رؤساء الجامعات اللي افسدوا التعليم بسياستهم

*دا من حيث المبدأ ندخل بقي علي المفيد ماذا فعل محمود الطيب بجامعه حلوان

اول حاجه منع الطالات المنتقبات من دخول المدينه الجامعيه واحنا عملنا مظاهرة واعتصام لحد ما رجعوا وبرضوا ديق عليهم تاني داخل الجامعه عموما وفي المدينه خصوصا

*زور انتخابات اتحاد الطلاب رغم انه قال اننا في عهد جديد ومش حنزور اراده الطلاب

*استحدث قائمه جزائات ماليه لنظام المدينه الجامعيه (زي اللي حيستخدم الكهرباء غلط يدفع 15 جنيه يعني لو حد نام وفاتح الكهرباء يدفع 15 جنيه ......الخ

*جعل نظام التسكين في المدنيه الجامعيه حسب التقدير وزود مصروفاتها وحرم ناس كتير مغترين من التسكين فيها واخر التسكين حوالي شهر واجر الاوضه ب 10 جنيه في اليوم من عير أكل ولا شرب للطلبه المغتربين لمده شهر طي الفلوس دي راحت فين ؟؟؟

* كمان اخالي حوالي مبنين وعملهم فندق اليوم ب 20 جنيه

*كمان غالي المصاريف الدراسيه من 30 الي 70 جنيه إختلاف الكليات

*كمان في عهده شهد اعالي سعر للكتاب الجامعي حتي وصل الي 70 و80 جنيه في كليات صيدله وعلوم

* حول الكثير من الطلاب الي التحقيق بسبب رفضهم تزوير انتخابات اتحاد الطلاب وكمان مطالبتهم بمجانيه التعليم وتحسين ظروف التعليم

*محاوله حرمان ىالطلاب من الامتحانات بمساعده امن الدوله حيث ساعدهم في الاقاء القبض علي 10 طلاب واحتجزهم في استقبال طرة

*تفتكروا عد كل دة مش عايزينا نطال برحيله

في النهايه يدعوكم طلاب ثورة 25 يناير بجامعه حلوان الي الاعتصام بدايه من غدا الثلاثاء لامام مبني رئاسه الجامعه التجمع غدا الساعه 12.30
امام المطعم المركزي

Read more...

صور من معرض طلاب حركة مقاومة يوم الاثنين 4-10-2010

طالبة تلقى شعرا و تشرح للطلاب مطالب بيان التغيير

طالب يوقع على بيان التغيير

صورة للمعرض و مواضيع المعرض هى : مساوىء قانون الطوارىء - غلاء الاسعار-انتخابات اتحاد الطلبة -

قضية "مدينتى" - بيان التغيير

Read more...

مظاهرة جامعةحلوان 6ابريل 2010
كلا من طلاب حركة مقاومة وطلاب الاخوان المسلمين باسم اللجنة التنسيقية لطلاب جامعة حلوان مظاهرة للمطالبة بدعم الكتاب الجامعي والافراج عن الطلبة المعتقلين وتعديل الدستور ودعم المصاريف الدراسية , لن قبل المظاهرة اعتصم طلاب الاخوان المسلمين داخل مبني ادارة الجامعة احتجاجا علي ضرب بعضهم من الامن عند بوابة الجامعة واصابة بعضهم بجروح .
بدات المظاهرة الساعة 12 من ادارة الجامعة ومرت بكلامن مدرجات ३ و१८ والسكاشن وانتهت عن ادارة الجامعة ।
اليكم صور المظاهرة :-

Read more...

الحرية لفلسطين

Read more...

رؤيتنا فى القضية الفلسطينية

..طول الوقت لعبت القضية الفلسطينية دور كبير فى تحريك و تثوير الشارع المصرى و من ضمنه الطلبة اللى لسنين طويلة دافعوا عن القضية الفلسطينية و شالوا حملها فوق كتافهم و كمان جوه قلوبهم و احنا كمجموعة من الطلبة مهتمة بالقضية الفلسطينية بنطرح وجهة نظرنا فيها :-

1- نحن ضد الصهيونية و أول ما نقول صهيونية بنكون قادرين نفرق تماما بين اليهودية و الصهيونية فالأولى ديانة سماوية مثلها مثل الإسلام و المسيحية و نحن نحترم كل الديانات و نجلها و لا نميز ضد شخص بسبب دينه أما الصهيونية التى نقف ضدها فهى فكرة استعمارية و عنصرية قائمة على تشريد و تجويع بل و إبادة شعب بأكمله من أجل إحلال شعب آخر محله و الإستيلاء على وطن ليس من حقهم .

2-القضية الفلسطينية قضية وطنية بمعنى إنها مش حكر على فئة معينة أو اصحاب دين بعينه ..فالصواريخ و القتابل الإسرائيلية التى يقصف بها شعب أعزل و يموت نساء و أطفال لا تفرق بين صاحب ديانة و صاحب ديانة أخرى لا تفرق بين مسلم و مسيحى و القوات الاسرائيلية التى تستبيح حرم المسجد الأقصى هى نفسها القوات التى تستبيح حرم كنيسة القيامة فالكيان العنصرى يريد أن يبيد الشعب بأكمله بمختلف فئاته و لهذا السبب نفسه لا يجب ان نطرح القضية الفلسطينية كقضية تخص المسلمين وحدهم أو المسيحيين وحدهم بل هى قضية وطنية قبل كل شىء او كما نهتف فى المظاهرات دائما : الهلال ويا الصليب ضد صهاينة تل ابيب .

3- الأنظمة العربية متواطئة مع الاحتلال الصهيونى و على رأسهم النظام المصرى اللى بيصدر الغاز بسعر مدعم لإسرائيل " فى الوقت اللى سعر اسطوانة الغاز فى مصر وصلت فى فترة من الفترات الى 40 جنيه " و بيحاصر قطاع غزة بقفل المعابر و منع دخول المساعدات الى مليون و نصف فلسطينى محاصر لا يجد حتى الدواء للمريض و لبن للأطفال و مش بس كدة لكن كمان بيبنى بأموال الضرائب " اللى بتدفع من جيوب الشعب الفقير " جدار فولاذى تكلفته مليارات و ذلك لإحكام الحصار على غزة ..مع إن كان الأولى إن الفلوس دى تروح لدعم الصحة أو التعليم مثلا بدل ما احنا بندفع مصاريف غالية و بنشترى الكتب ب اد كدة ..و فى الحقيقة كل اللى النظام بيعملوا دا من تطبيع مع اسرائيل و تصدير غاز و حصار غزة بيعملوا لخدمة مصالحه السياسية و الاقتصادية الشخصية..

فلأنه نظام يفتقد الشرعية الداخلية " يعنى جى بالتزوير " يسعى دائما للبحث عن شرعية خارجية " دعم و تأييد الولايات المتحدة " و طبعا احسن طريقة لكسب رضا امريكا هو تقديم خدمات لحليفتها الأولى فى المنطقة اللى هى اسرائيل ..دا غير ان حكومة رجال الأعمال تربطهم هم انفسهم مصالح اقتصادية مباشرة من تصدير الحديد والاسمنت و الغاز لإسرائيل و هنقول مثال بسيط يلخص علاقة النظام باولايات المتحدة :- فى حرب العراق 2003 سمح النظام المصرى للبوارج الامريكية بالمرور من قناة السويس و للقاذفات الأمريكية بالمرورفى المجال الجوى المصرى و غمض عنيه عن تدمير العراق و كانت مكافأته ان رجال اعمال مصريين و ليهم نفوذ فى الحكومة أخدوا حصة كويسة فى عملية إعادة التعمير بعد الحرب مع ان حكومة تركيا مثلا اخدت موقف محترم و رفضت السماح للطيران الأمريكى باستخدام مجالها الجوى .

4- الشعب فى كف و الحكومة فى كف ..احنا مش مضطرين ابدا يكون موقفنا هو موقف النظام المصرى ..اذا كان النظام عنده مصالح اقتصادية و سياسية مع اسرائيل و امريكا فا احنا الشعب اللى بيشترى اسطوانة الغاز ب 40 جنيه مع انه بيتصدر مدعم لإسرائيل .. احنا الشعب اللى الحكومة ناهباه و مجوعاه زينا زى الشعب الفلسطينى المحاصر ..احنا الشعب الفقير اللى بيدفع ضرايب بيتهرب منها غالبا رجال الأعمال بتوع الحزب الوطنى و بيروحوا يبنوا بفلوسنا جدار عازل ..خلينا نقول : يا راكعين لإسرائيل و امريكا نحن ابرياء منكم

5- اذا فكرنا شوية فى النقاط السابقة هنوصل لى استنتاج انه مش ممكن فلسطين تتحرر طول ما فى انظمة عميلة من مصلحتها الهيمنة الأمريكية و الصهيونية و شايفين فعلا أنه : عشان نحرر القدس لازم نحرر مصر من اللى ناهبينها واللى سارقينها .

اللجنة الطلابية لدعم القضية الفلسطينية

Read more...