تعليق من احد الزوار" مكتبش اسمه"

السبت، 31 أكتوبر، 2009

بلغنى أيها الملك السعيد ذو الرأى الرشيد ان الملك السهتان حاكم خازوقستان كان يحكم البلاد بالعصا و البنان ويتلاعب فى الفعل و البيان و لما شاب و طال به الزمان اتى بابنه التلفان ووضعه على راس لجنة السخافات تمهيدا ليحكم خازوقستان رغم انف البشر فى كل مكان فزاد الهرج و المرج واندفع الناس كالطوفان تهتف بسقوط التلفان و ابيه الملك سهتان ولما كان الحكم بدون توريث وعن طريق اللجان ويؤخذ أصوات القاصى و الدان أحتار الملك السهتان وطلب المشورة من قاضى القضاة و الذى كان باللعب فى القوانين فنان.. فقال القاضى وهو فرحان سيدى قالوا فى الامثال من زمان جوع كلبك يتبعك وان شبع يأكلك والشعب كلب بس فى شكل انسان اطلق عليهم رئيس العسس اللى أسمه عادلان وهو اقرب من العدل للبهتان يرهب البشر و يكسر القلم ويقطع كل لسان.. فرح الملك السهتان و قال الله يفتح عليك وايه كمان.. تطرد اهل العلم و العلماء وتبعد الحكماء و يخطط الجهلة و الطرش و العميان تصبح بلدنا فشر اجدعها مورستان ..وايه كمان و ايه كمان.. تعمل لجنة للسخافات يكون على راسها الامير فلتان وكام بلطجى من الاعيان بس اصله لازم يكون كحيان يحكم ويامر فى العباد فاكر نفسه الواحد المنان وتلم انت وهما من الفلوس أطنان وتجوع ابن الاية و تجعله عدمان وبدل ما يقول سياسة وحقى فى التصويت يقول لقمة يا باشا تسد جوع جوعان ويموت ياما من جوعه ليموت من السرطان او يندفن تحت جبل من الصوان او قبره فى المية اصل البعيد غرقان.. عفارم عفارم دى فكرة جنان بس مش ممكن يثور الناس ويهدر البشر بركان.. البركه فى رئيس العسس يربط السايب و يلجم الفلتان وان زاد عليه البشر من يائس ولا جعان سعتها عليك بملك الجان اللى اسمه امريكان مدام فى صفك وحاطط بركته عليك هتفضل طول الزمان انت و ابن ابنك الامير فلتان وكفاية كده لنروح فى خبر كان

الكلام دا كان تعليق من احد زوار البلوج

1 comments:

المهندس/ أمين حريري 2 نوفمبر، 2009 4:43 ص  

انت فلته زمانك

كلام عجيب يصف حالة غريبة في بلاد بعيدة قريبة

%#@@^$#&%$

تعتقد ما السبب وراء عدم زيادة المصاريف هذا العام ايضاً؟

آخر التدوينات

آخر التعليقات

  © التصميم إهداء :يساري مصري 2008

Back to TOP